Art. 62 Custs Garanzia dals custs da dretgira e da l’indemnisaziun da la partida
1 La partida che appellescha al Tribunal federal sto prestar in pajament anticip dals custs en l’autezza dals custs da dretgira probabels. Sch’i èn avant maun motivs spezials, poi vegnir desistì dal tuttafatg u per part d’in pajament anticip .
2 Sche la partida n’ha betg in domicil fix en Svizra u sch’ella è cumprovadamain insolventa, po ella – sin dumonda da la cuntrapartida – vegnir obligada da prestar ina garanzia per in’eventuala indemnisaziun da la partida.
3 Il derschader d’instrucziun fixescha in termin adequat per la partida per prestar il pajament anticip dals custs u la garanzia. Sch’il pajament anticip dals custs na vegn betg exequì u sche la garanzia na vegn betg prestada entaifer quest termin, fixescha il derschader d’instrucziun in termin posteriur per la partida. Sch’il pajament anticip dals custs na vegn er betg exequì u sche la garanzia na vegn er betg prestada entaifer il termin posteriur, n’entra il Tribunal federal betg sin l’inoltraziun.
Es besteht kein Anspruch auf Aktualität und Vollständigkeit/Richtigkeit.
