LDP Art. 38 - Cedels electorals nunvalaivels e vuschs da candidat nunvalaivlas

Einleitung zur Rechtsnorm LDP:

Art. 38 Cedels electorals nunvalaivels e vuschs da candidat nunvalaivlas

¹ Cedels electorals èn nunvalaivels, sch’els:

a. na cuntegnan nagin num d’ina candidata u d’in candidat dal circul electoral;

b. n’èn betg uffizials;

c. èn vegnids emplenids u midads auter che a maun;

d. cuntegnan remartgas ingiuriusas u èn marcads cun segns evidents;

e. ⁽¹⁾ …

² Dal cedel electoral vegnan stritgadas:

a. repetiziuns da memia, sch’il num d’ina candidata u d’in candidat figurescha dapli che duas giadas sin in cedel electoral;

b. tuts ils nums da persunas, da las qualas la candidatura è vegnida annullada pervia d’ina candidatura multipla suenter la rectificaziun da las propostas electoralas. ⁽²⁾

³ Sch’in cedel electoral cuntegna dapli nums che quai ch’i èn avant maun sezs, vegnan stritgads ils ultims nums prestampads che n’èn betg cumulads a maun, e suenter ils ultims nums agiuntads a maun. ⁽²⁾

⁴ Resalvads restan ils motivs da nunvalaivladad e da nullitad che resultan da la procedura chantunala (cuverta da votar, bul da controlla e.u.v.). ⁽⁴⁾

⁵ Il dretg d’in chantun che realisescha emprovas cun la votaziun electronica definescha las premissas per la votaziun valaivla ed ils motivs da nunvalaivladad. ⁽⁵⁾

⁽¹⁾ Abolì tras la cifra II da la LF dals 22 da mars 1991, cun effect dapi il 1. da fan. 1992 (AS 1991 2388; BBl 1990 III 445).
⁽²⁾ ⁽³⁾
⁽³⁾ Versiun tenor la cifra I da la LF dals 26 da sett. 2014 (elecziuns dal Cussegl naziunal), en vigur dapi il 1. da nov. 2015 (AS 2015 543; BBl 2013 9217).
⁽⁴⁾ Integr tras la cifra I da la LF dals 18 da mars 1994, en vigur dapi ils 15 da nov. 1994 (AS 1994 2414; BBl 1993 III 445).
⁽⁵⁾ Integr tras la cifra I da la LF dals 21 da zer. 2002, en vigur dapi il 1. da schan. 2003 (AS 2002 3193; BBl 2001 6401).

Es besteht kein Anspruch auf Aktualität und Vollständigkeit/Richtigkeit.

Wollen Sie werbefrei und mehr Einträge sehen? Hier geht es zur Registrierung.