Lescha federala davart ils dretgs politics (LDP)

Art. 10a ⁽¹⁾ Infurmaziun da las persunas cun dretg da votar

¹ Il Cussegl federal infurmescha cuntinuadamain las persunas cun dretg da votar davart ils projects da votaziun federals.

² En quest connex resguarda el ils princips da la cumplettezza, da l’objectivitad, da la transparenza e da la proporziunalitad.

³ El preschenta las posiziuns las pli impurtantas represchentadas en il process da decisiun dal parlament.

⁴ El na represchenta betg ina tenuta che divergescha da la recumandaziun da l’Assamblea federala per la votaziun.