LPP Art. 98 - Entrada en vigur

Einleitung zur Rechtsnorm LPP:

Art. 98 Entrada en vigur

¹ Questa lescha è suttamessa al referendum facultativ.

² Il Cussegl federal fixescha il termin che questa lescha entra en vigur e resguarda en quest connex en spezial las relaziuns socialas ed economicas. Singulas prescripziuns po el metter en vigur avant quest termin.

³ Las prescripziuns da l’artitgel 81 alineas 2 e 3 e dals artitgels 82 ed 83 ston vegnir messas en vigur entaifer 3 onns suenter l’entrada en vigur da questa lescha.

⁴ L’artitgel 83 na vegn betg applitg per rentas e per cumpensaziuns en chapital or d’instituziuns da provediment u da furmas da provediment en il senn dals artitgels 80 ed 82 che:

a. cumenzan a currer u ston vegnir pajadas avant l’entrada en vigur da l’artitgel 83; u

b. cumenzan a currer u ston vegnir pajadas entaifer 15 onns dapi l’entrada en vigur da l’artitgel 83 e sa basan sin ina relaziun da provediment ch’exista gia tar l’entrada en vigur.

Art. 1 da l’O dals 29 da zer. 1983 (AS 1983 827).Data da l’entrada en vigur: 1. da schaner 1985
Art. 54, 55, 61, 63, 64 e 97: 1. da fanadur 1983
Art. 48 e 93: 1. da schaner 1984
Art. 60: 1. da fanadur 1984
Art. 81 al. 2 e 3, 82 ed 83: 1. da schaner 1987

Es besteht kein Anspruch auf Aktualität und Vollständigkeit/Richtigkeit.