Art. 68 Indemnisaziun da la partida
1 Il Tribunal federal fixescha en la sentenzia, sche ed en tge dimensiun ch’ils custs da la partida che ha gudagn ston vegnir pajads da la partida che ha pers.
2 La partida che ha pers vegn per regla obligada da restituir a la partida che ha gudagn tut ils custs necessaris ch’èn vegnids chaschunads tras la dispita giuridica, e quai a norma da la tariffa dal Tribunal federal.
3 Sche la Confederaziun, ils chantuns, las vischnancas e las organisaziuns ch’èn incaricadas cun incumbensas da dretg public gudognan en lur champ d’activitad uffizial, na vegnan per regla concedidas naginas indemnisaziuns da la partida ad ellas ed ad els.
4 L’artitgel 66 alineas 3 e 5 è applitgabel tenor il senn.
5 La decisiun da l’instanza precedenta davart l’indemnisaziun da la partida vegn confermada, annullada u midada dal Tribunal federal tut tenor il resultat da la procedura. En quest connex po il Tribunal fixar sez l’indemnisaziun a norma da la tariffa federala u chantunala applitgabla u surdar la fixaziun a l’instanza precedenta.
Es besteht kein Anspruch auf Aktualität und Vollständigkeit/Richtigkeit.
