PA Art. 63 -

Einleitung zur Rechtsnorm PA:

Art. 63 III. Custs da procedura

¹ L’instanza da recurs adossescha en la furmla da decisiun per regla a la partida perdenta ils custs da procedura che consistan da la taxa da sentenzia, da las taxas da scriver e da las expensas en daner blut. Sche quella perda mo per part, vegnan ils custs da procedura reducids. Excepziunalmain pon els vegnir relaschads dal tut.

² Ad instanzas precedentas u ad autoritads federalas recurrentas e perdentas na vegnan adossads nagins custs da procedura; sche l’autoritad recurrenta e perdenta n’è betg in’autoritad federala, la vegnan adossads ils custs da procedura, uschenavant che la dispita sa tracta d’interess da dretg da facultad da corporaziuns u d’instituts autonoms.

³ Ad ina partida gudagnanta dastgan vegnir adossads mo custs da procedura ch’ella ha chaschun cun violar obligaziuns da procedura.

⁴ L’instanza da recurs, ses president u il derschader d’instrucziun incassescha dal recurrent in pajament anticip en l’autezza dals custs da procedura probabels. Per ch’il recurrent possia reglar quest pajament anticip sto vegnir fix in termin adequat, smanatschond da betg entrar sin il recurs, sch’il pajament anticip na vegn betg prest . Sch’i èn avant maun motivs spezials, poi vegnir desistì dal tuttafatg u per part d’in pajament anticip . ⁽¹⁾

4bis La taxa da sentenzia sa drizza tenor la dimensiun e la difficultad da la chaussa en dispita, tenor la moda da manar il process e tenor la situaziun finanziala da las partidas. Ella importa:

⁵ Il Cussegl federal regla ils detagls da la fixaziun da las taxas. ⁽¹⁾ Resalvads restan l’artitgel 16 alinea 1 litera a da la Lescha dals 17 da zercladur 2005 ⁽⁴⁾ davart il Tribunal administrativ federal e l’artitgel 73 da la Lescha dals 19 da mars 2010 ⁽⁵⁾ davart l’organisaziun da las autoritads penalas. ⁽⁶⁾