Art. 52 (1) Responsabladad
1 Tut las persunas ch’èn incumbensadas cun l’administraziun u cun la gestiun da l’instituziun da provediment sco er ils experts per il provediment professiunal èn responsabels per il donn ch’els chaschunan intenziunadamain u per negligientscha. (2)
2 Il dretg d’indemnisaziun cunter ils organs responsabels tenor las disposiziuns qua survart surannescha entaifer 5 onns suenter il di che la persuna donnegiada ha survegnì enconuschientscha dal donn e da la persuna che sto pajar l’indemnisaziun, en mintga cas dentant suenter 10 onns quint a partir dal di ch’il cumportament donnegiant ha gì lieu u è vegnì termin . (3)
3 Sch’in organ d’ina instituziun da provediment sto star bun per in donn, sto el infurmar ils ulteriurs organs obligads al regress. Il termin da surannaziun da 5 onns per far valair dretgs da regress tenor quest alinea cumenza il mument ch’ina indemnisaziun vegn pajada.
4 Per la responsabladad dal post da revisiun vala l’artitgel 755 DO (4) tenor il senn. (5)
(1) Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).(2) Versiun tenor la cifra I da la LF dals 19 da mars 2010 (refurma structurala), en vigur dapi il 1. da schan. 2012 (AS 2011 3393; BBl 2007 5669).
(3) Versiun tenor la cifra 22 da l’agiunta da la LF dals 15 da zer. 2018 (revisiun dal dretg da surannaziun), en vigur dapi il 1. da schan. 2020 (AS 2018 5343; BBl 2014 235).
(4) SR 220
(5) Integr tras la cifra I da la LF dals 19 da mars 2010 (refurma structurala), en vigur dapi il 1. da schan. 2012 (AS 2011 3393; BBl 2007 5669).
Es besteht kein Anspruch auf Aktualität und Vollständigkeit/Richtigkeit.
