LPP Art. 40 - Mesiras en cas che l’obligaziun da mantegniment vegn negligida

Einleitung zur Rechtsnorm LPP:

Art. 40 ⁽¹⁾ Mesiras en cas che l’obligaziun da mantegniment vegn negligida

¹ Sch’ina persuna assicurada è en retard cun almain quatter pajaments da mantegniment mensils ch’ella sto prestar regularmain, po il post spezialis , design dal dretg chantunal tenor ils artitgels 131 alinea 1 e 290 dal Cudesch civil svizzer ⁽²⁾ , annunziar quai a l’instituziun da provediment.

² L’annunzia s’effectuescha suenter ch’ella è vegnida tractada, il pli tard dentant 5 dis da lavur suenter sia consegna.

³ L’instituziun da provediment sto annunziar immediatamain al post spezialis che las suandantas pretensiuns da las persunas assicuradas annunziadas ad el sajan daventadas exequiblas:

a. il pajament da la prestaziun sco cumpensaziun unica en chapital en l’autezza d’almain 1000 francs;

b. il pajament en daner blut tenor l’artitgel 5 LFLP ⁽³⁾ en l’autezza d’almain 1000 francs;

c. la retratga anticipada per la promoziun da la proprietad d’abitaziuns tenor l’artitgel 30c da questa lescha e tenor l’artitgel 331e DO ⁽⁴⁾ .

⁴ L’instituziun da provediment sto annunziar al post spezialis er l’impegnaziun da dabuns da provediment da questas persunas assicuradas tenor l’artitgel 30b sco er la liquidaziun dal pegn da quests dabuns.

⁵ Las annunzias tenor ils alineas 1, 3 e 4 ston vegnir fatgas en scrit tras spediziuns postalas recumandadas u en autra moda cunter ina quittanza.

⁶ L’instituziun da provediment dastga far in’assegnaziun tenor l’alinea 3 il pli baud 30 dis suenter che l’annunzia è vegnida consegnada al post spezialis .

⁽¹⁾ Versiun tenor la cifra 3 da l’agiunta da la LF dals 20 da mars 2015 (mantegniment dals uffants), en vigur dapi il 1. da schan. 2022 (AS 2015 4299 5017, 2020 5; BBl 2014 529).
⁽²⁾ SR 210
⁽³⁾ SR 831.42
⁽⁴⁾ SR 220

Es besteht kein Anspruch auf Aktualität und Vollständigkeit/Richtigkeit.