LEI Art. 37 - Midada dal lieu da domicil en in auter chantun

Einleitung zur Rechtsnorm LEI:

Art. 37 Midada dal lieu da domicil en in auter chantun

¹ Sche persunas cun ina permissiun da dimora curta u cun ina permissiun da dimora vulan transferir lur lieu da domicil en in auter chantun, ston ellas dumandar l’emprim ina permissiun correspundenta dal nov chantun.

² Persunas cun ina permissiun da dimora han il dretg da midar il chantun, sch’ellas n’èn betg dischoccupadas e sch’i n’èn avant maun nagins motivs da revocaziun tenor l’artitgel 62 alinea 1.

³ Persunas cun ina permissiun da domicil han il dretg da midar il chantun, sch’i n’èn avant maun nagins motivs da revocaziun tenor l’artitgel 63.

⁴ Per ina dimora temporara en in auter chantun na basegni betg ina permissiun.