Art. 361 Nominaziun tras las partidas
1 Ils commembers da la dretgira da cumpromiss vegnan nominads sco ch’igl è vegnì fix tranter las partidas.
2 Sch’ina tala cunvegna manca, nominescha mintga partida il medem dumber da commembers; quels elegian unanimamain in president.
3 Sch’in derschader da cumpromiss vegn design tenor sia funcziun, vala quella persuna sco nominada che occupa questa funcziun il mument ch’ella accepta l’uffizi.
4 En las dispitas che resultan tras la locaziun e tras la fittanza d’abitaziuns pon las partidas designar mo l’autoritad da mediaziun sco dretgira da cumpromiss.
Es besteht kein Anspruch auf Aktualität und Vollständigkeit/Richtigkeit.
