Art. 21 (1) Autezza da la renta
1 Tar la mort d’ina persuna assicurada importa la renta per vaivs 60 pertschient e la renta per orfens 20 pertschient da l’entira renta d’invaliditad, da la quala la persuna assicurada avess gì il dretg. (2)
2 Tar la mort d’ina persuna che ha retratg ina renta da vegliadetgna u d’invaliditad importa la renta per vaivs 60 pertschient e la renta per orfens 20 pertschient da l’ultima renta da vegliadetgna u d’invaliditad pajada.
3 Parts da rentas ch’èn vegnidas concedidas al conjugal creditur en il rom d’ina cumpensaziun dal provediment professiunal tenor l’artitgel 124a CCS (3) n’appartegnan betg a l’ultima renta da vegliadetgna u d’invaliditad pajada a la persuna assicurada tenor l’alinea 2. (4)
4 Sch’ina renta per uffants n’è betg stada pertutgada d’ina cumpensaziun dal provediment professiunal tenor ils artitgels 124 u 124a CCS, vegn la renta per orfens calculada sin las medemas basas sco la renta per uffants. (4)
(1) Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637). Guardar er disp. trans. da la midada dals 3 d’oct. 2003 a la fin dal decret.(2) Versiun tenor la cifra 3 da l’agiunta da la LF dals 19 da zer. 2020 (ulteriur svilup da la AI), en vigur dapi il 1. da schan. 2022 (AS 2021 705; BBl 2017 2535).
(3) SR 210
(4) (5)
(5) Integr tras la cifra 4 da l’agiunta da la LF dals 19 da zer. 2015 (cumpensaziun dal provediment professiunal en cas da divorzi), en vigur dapi il 1. da schan. 2017 (AS 2016 2313; BBl 2013 4887).
Es besteht kein Anspruch auf Aktualität und Vollständigkeit/Richtigkeit.
