Art. 138 3. Ingiant a. Communicaziun, annunzia dals dretgs
1 L’ingiant vegn communitg publicamain almain 1 mais ordavant.
2 La communicaziun cuntegna:1. il lieu, il di e las uras da l’ingiant;2. l’indicaziun dal di, a partir dal qual èn exponidas las cundiziuns d’ingiant;3. (1) l’invitaziun als crediturs da pegn ed a tut ils ulteriurs participads, d’inditgar entaifer 20 dis a l’uffizi da scussiun lur dretgs envers il bain immobigliar, particularmain da tschains e da custs. En questa invitaziun èsi d’annunziar ch’els – sche quest termin na vegn betg observ – pon sa participar al resultat da la liquidaziun mo, sche lur dretgs èn inscrits en il register funsil.
3 Ina invitaziun correspundenta vegn drizzada er als possessurs da servituts, uschenavant ch’i vegn anc applitg dretg chantunal. (2)
(1) Versiun tenor la cifra I da la LF dals 16 da dec. 1994, en vigur dapi il 1. da schan. 1997 ([AS 1995 1227]; [BBl 1991 III 1]).
(2) Versiun tenor l’art. 58 dal titel final dal CCS, en vigur dapi il 1. da schan. 1912 ([AS 24 233 ]art. 60 tit. fin. CCS; [BBl 1904 IV 1], [1907 VI 367]).
Es besteht kein Anspruch auf Aktualität und Vollständigkeit/Richtigkeit.
