Art. 13 II. Cooperaziun da las partidas
1 Las partidas èn obligadas da cooperar tar la constataziun dals fatgs:a. en ina procedura ch’ellas inizieschan tras lur pretensiun;b. en in’autra procedura, uschenavant ch’ellas fan pretensiuns autonomas en quella;c. uschenavant ch’ellas han in’ulteriura obligaziun da dar infurmaziuns u in’ulteriura obligaziun da procurar per transparenza sin basa d’ina autra lescha federala.
1bis L’obligaziun da cooperar na pertutga betg la consegna d’objects e da documents dal contact tranter ina partida e ses advocat, sche quel è autoris da represchentar partidas davant dretgiras svizras tenor la Lescha dals 23 da zercladur 2000 (1) davart las advocatas ed ils advocats. (2)
2 L’autoritad na sto betg entrar sin pretensiuns en il senn da l’alinea 1 litera a u b, sche las partidas refusan la cooperaziun necessaria e pretendibla.
(1) [SR 935.61]
(2) Integr tras la cifra I 2 da la LF dals 28 da sett. 2012 davart l’adattaziun da disposiziuns da procedura concernent il secret professiunal dals advocats, en vigur dapi il 1. da matg 2013 ([AS 2013 847]; [BBl 2011 8181]).
Es besteht kein Anspruch auf Aktualität und Vollständigkeit/Richtigkeit.
