Art. 124 III. Cumpensaziun en cas da rentas d’invaliditad avant la vegliadetgna reglamentarica da renta (1)
1 Sch’in consort retira il mument da l’introducziun da la procedura da divorzi ina renta d’invaliditad avant la vegliadetgna reglamentarica da renta, vala la summa ch’el survegniss tenor l’artitgel 2 alinea 1ter da la Lescha dals 17 da december 1993 (2) davart la libra circulaziun suenter l’aboliziun da la renta d’invaliditad, sco prestaziun d’extrada.
2 Las disposiziuns davart la cumpensaziun en cas da prestaziuns d’extrada valan tenor il senn.
3 Il Cussegl federal regla en tge cas che la summa tenor l’alinea 1 na po betg vegnir utilisada per la cumpensaziun pervia d’ina reducziun da la renta d’invaliditad causa surindemnisaziun.
(1) Versiun tenor la cifra I da la LF dals 19 da zer. 2015 (cumpensaziun dal provediment professiunal en cas da divorzi), en vigur dapi il 1. da schan. 2017 (AS 2016 2313; BBl 2013 4887).(2) SR 831.42
Es besteht kein Anspruch auf Aktualität und Vollständigkeit/Richtigkeit.
