Lescha federala davart las persunas estras e l’integraziun (LEI)

Art. 111c Barat da datas

¹ En il rom da l’obligaziun da diligenza tenor l’artitgel 92 e da l’obligaziun d’assistenza tenor l’artitgel 93 pon las autoritads ch’èn incumbensadas cun la controlla da cunfin e las interpresas da transport barattar las datas da persunas necessarias.

² Per quest intent pon ellas communitgar e consultar spezialmain las datas da persunas tenor l’artitgel 111b alinea 2 litera b–d.

³ Ils artitgels 111a, 111d e 111f valan tenor il senn. ⁽¹⁾