LEI Art. 111b - Elavuraziun da datas

Einleitung zur Rechtsnorm LEI:

Art. 111b Elavuraziun da datas

¹ Il SEM è l’autoritad centrala per consultaziuns en connex cun dumondas da visum tenor las cunvegnas d’associaziun a la reglamentaziun da Schengen.

² En questa funcziun po el communitgar e consultar cun agid da proceduras automatisadas spezialmain datas da las suandantas categorias:

a. la represchentanza diplomatica u consulara, tar la quala la dumonda da visum è vegnida inoltrada;

b. l’identitad da la persuna pertutgada (num, prenum, data da naschientscha, lieu da naschientscha, naziunalitad, domicil, professiun, patrun) sco er – sche quai è necessari – l’identitad da ses confamigliars;

c. indicaziuns davart ils documents d’identitad;

d. indicaziuns davart ils lieus da dimora e davart ils itineraris.

³ Cun lur partenarias dals stadis ch’èn liads tras ina da las cunvegnas d’associaziun a la reglamentaziun da Schengen pon las represchentanzas svizras a l’exteriur barattar las datas ch’èn necessarias per la collavuraziun consulara al lieu, cunzunt infurmaziuns davart l’utilisaziun da documents falsifitgads u sfalsifitgads e davart organisaziuns da cuntrabanda da persunas sco er datas da las categorias menziunadas en l’alinea 2.

⁴ Il Cussegl federal po adattar las categorias da datas da persunas ch’èn menziunadas en l’alinea 2 als svilups ils pli novs dal possess actual da Schengen. Per quest intent consultescha el l’incumbensada federala u l’incumbens federal per la protecziun da datas.

Es besteht kein Anspruch auf Aktualität und Vollständigkeit/Richtigkeit.