Art. 106 1. Prenotaziun e communicaziun (1)
1 Sch’i vegn fatg valair ch’in terz saja proprietari da l’object impegn , haja in dretg da pegn vi da quel u in auter dretg che s’oppona a l’impegnaziun u che sto vegnir resguard durant l’ulteriura procedura d’execuziun, prenotescha l’uffizi da scussiun il dretg dal terz en il document d’impegnaziun u infurmescha las partidas, sch’il document è gia vegnì tramess.
2 Terzs pon annunziar lur dretgs, uscheditg ch’il retgav or da la liquidaziun da l’object impegn n’è anc betg repartì.
3 Suenter la liquidaziun po il terz far valair – ordaifer la procedura da scussiun – ils dretgs ch’el ha tenor il dretg civil en cas d’enguladitsch, da perdita u d’autra prelevaziun vi d’ina chaussa movibla (art. 934 e 935 CCS (2) ) u en cas da mala fai da l’acquistader (art. 936 e 974 al. 3 CCS). Sco ingiant public en il senn da l’artitgel 934 alinea 2 CCS vala er la vendita sin basa privata tenor l’artitgel 130 da questa lescha.
(1) Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).(2) SR 210
Es besteht kein Anspruch auf Aktualität und Vollständigkeit/Richtigkeit.
