Art. 105 -

Einleitung zur Rechtsnorm :

Art. 105 Taglias e taxas

¹ Il dretg dals chantuns da suttametter a la taglia ils vehichels e d’incassar taxas resta resalv . Taxas da transit chantunalas n’èn dentant betg admessas.

² Vehichels, dals quals il lieu da staziunament vegn transferì en in auter chantun, pon vegnir suttamess a la taglia en il nov chantun da staziunament a partir da quel di, al qual els vegnan u avessan stuì vegnir munids cun il document dal vehichel e cun ils numers d’immatriculaziun dal nov chantun da staziunament. L’anteriur chantun da staziunament sto restituir las taglias ch’eran vegnidas incassadas per ina perioda posteriura a quest termin. ⁽¹⁾

³ ... ⁽²⁾

⁴ Ils chantuns pon suttametter a la taglia ils vehichels a motor da la Confederaziun per lur diever ordaifer il servetsch. Ils velos da la Confederaziun èn libers da taglia e da taxas.

⁵ L’incassament da taxas inizialas sin vehichels a motor esters è resalv a la Confederaziun. Davart l’introducziun da talas taxas decida il Cussegl federal.

⁶ Suenter avair consult ils chantuns fixescha il Cussegl federal las premissas per suttametter a la taglia ils vehichels a motor esters che restan per in temp pli lung en Svizra. Cumpetent d’incassar la taglia è il chantun, en il qual in tal vehichel sa chatta.

Art. 105 SVG (SVG) - Anwendung bei den Gerichten

Anwendung im Kantonsgericht

Anwendung im Verwaltungsgericht

Anwendung im Bundesgericht