Art. 89d -

Einleitung zur Rechtsnorm :

Art. 89d Elavuraziun da datas

Las suandantas autoritads ed ils suandants posts elavuran las datas dal SIAC: ⁽¹⁾

a. il UVIAS;

b. las autoritads federalas e chantunalas ch’èn responsablas per conceder e per retrair las autorisaziuns da manischar ed ils documents dals vehichels: las datas da lur champ da cumpetenza;

c. las autoritads ch’èn responsablas per raziunar il carburant sco er per requirir u per prender en locaziun vehichels per l’armada, per la protecziun civila e per il provediment economic dal pajais: las datas davart ils vehichels e davart lur possessurs;

d. ils organs da polizia ch’èn responsabels per sequestrar permiss da manischar e documents da vehichels: las datas davart las autorisaziuns da manischar e davart ils vehichels;

e. ⁽²⁾ las autoritads ch’èn responsablas per controllar il pajament dals dazis ed il pajament da las taglias tenor la LTAut ⁽³⁾ : las datas da lur champ da cumpetenza;

f. ⁽²⁾ ils posts ch’èn incaricads cun l’incassament e cun la controlla dal pajament da la taxa sin il traffic pesant dependenta da la prestaziun tenor la Lescha dals 19 da december 1997 ⁽⁵⁾ davart la taxa sin il traffic da camiuns pesants: las datas da lur champ da cumpetenza;

g. ⁽⁶⁾ ils posts ch’èn incaricads cun l’incassament e cun la controlla dal pajament da la taxa per l’utilisaziun da las vias naziunalas tenor la Lescha dals 19 da mars 2010 ⁽⁷⁾ davart la taxa da las vias naziunalas: las datas davart ils vehichels e davart lur possessurs;

h. ⁽⁶⁾ las autoritads ch’èn responsablas per exequir la reducziun da las emissiuns da CO₂ da vehichels tenor la Lescha dals 23 da december 2011 ⁽⁹⁾ davart il CO₂: las datas da lur champ da cumpetenza.

⁽¹⁾ Versiun tenor la cifra I da la LF dals 17 da mars 2023, en vigur dapi il 1. d’oct. 2023 (AS 2023 453; BBl 2021 3026).
⁽²⁾ ⁽⁴⁾
⁽³⁾ SR 641.51
⁽⁴⁾ Integr tras la cifra I da la LF dals 17 da mars 2023 (AS 2023 453; BBl 2021 3026). Versiun tenor la cifra 1 da l’agiunta 2 da la LF dals 17 da mars 2023, en vigur dapi il 1. da matg 2024 (AS 2023 453; 2024 131; BBl 2021 3026; 2022 2323).
⁽⁵⁾ SR 641.81
⁽⁶⁾ ⁽⁸⁾
⁽⁷⁾ SR 741.71
⁽⁸⁾ Integr tras la cifra I da la LF dals 17 da mars 2023, en vigur dapi il 1. d’oct. 2023 (AS 2023 453; BBl 2021 3026).
⁽⁹⁾ SR 641.71

Es besteht kein Anspruch auf Aktualität und Vollständigkeit/Richtigkeit.

Wollen Sie werbefrei und mehr Einträge sehen? Hier geht es zur Registrierung.