LPP Art. 87 - Agid uffizial ed administrativ

Einleitung zur Rechtsnorm LPP:

Art. 87 ⁽¹⁾ Agid uffizial ed administrativ

¹ Las autoritads administrativas e las autoritads da la giurisdicziun da la Confederaziun, dals chantuns, dals districts, dals circuls e da las vischnancas sco er ils organs da las autras assicuranzas socialas communitgeschan als organs ch’èn incumbensads da realisar questa lescha – sin dumonda en scrit e motivada – en il cas singul gratuitamain quellas datas ch’èn necessarias per:

a. controllar l’affiliaziun dal patrun;

b. fixar, midar u pretender enavos prestaziuns;

c. impedir retratgas betg giustifitgadas;

d. fixar ed incassar las contribuziuns;

e. prender regress sin terzas persunas responsablas.

² Sch’ina instituziun da provediment vegn a savair en il rom da sias funcziuns ch’ina persuna assicurada retira prestaziuns nungiustifitgadas, po ella infurmar ils organs da l’assicuranza sociala pertutgada davart quest fatg. ⁽²⁾

⁽¹⁾ Versiun tenor la cifra I da la LF dals 23 da zer. 2000, en vigur dapi il 1. da schan. 2001 (AS 2000 2689; BBl 2000 255).
⁽²⁾ Integr tras la cifra 3 da l’agiunta da la LF dals 19 da zer. 2020 (ulteriur svilup da la AI), en vigur dapi il 1. da schan. 2022 (AS 2021 705; BBl 2017 2535).

Es besteht kein Anspruch auf Aktualität und Vollständigkeit/Richtigkeit.