Lescha federala davart las persunas estras e l’integraziun (LEI)

Art. 83 Admissiun provisorica Ordinaziun da l’admissiun provisorica

¹ Sche l’execuziun da la spedida n’è betg pussaivla, betg admessa u betg raschunaivla, dispona il SEM l’admissiun provisorica. ⁽¹⁾

² L’execuziun n’è betg pussaivla, sche la persuna estra na po ni returnar ni vegnir manada en il stadi d’origin, en il stadi da derivanza u en in ulteriur stadi.

³ L’execuziun n’è betg admessa, sche la persuna estra na po betg cuntinuar il viadi en il stadi d’origin, en il stadi da derivanza u en in ulteriur stadi pervia d’obligaziuns internaziunalas da la Svizra.

⁴ L’execuziun po esser nunraschunaivla per ina persuna estra, sch’ella è periclitada concretamain tras situaziuns da guerra, da guerra civila, da violenza generala e tras situaziuns medicinalas d’urgenza en il stadi d’origin u da derivanza.

⁵ Il Cussegl federal designescha stadis d’origin u da derivanza u territoris da quests stadis, en ils quals in return è pussaivel. ⁽²⁾ Sche persunas estras spedidas derivan d’in da quests stadis u d’in stadi commember da la UE u da la AECL, èsi per regla pussaivel d’exequir la spedida. ⁽³⁾

5bis Il Cussegl federal controllescha periodicamain il conclus tenor l’alinea 5. ⁽⁴⁾

⁶ L’admissiun provisorica po vegnir dumandada da las autoritads chantunalas.

⁷ L’admissiun provisorica tenor ils alineas 2 e 4 na vegn betg disponida, sche la persuna estra spedida: ⁽¹⁾

⁸ Fugitivs, tar ils quals èn avant maun motivs d’exclusiun d’asil tenor ils artitgels 53 e 54 LAsil ⁽⁹⁾ , vegnan admess provisoricamain.

⁹ L’admissiun provisorica na vegn betg disponida u scada, sch’ina expulsiun tenor l’artitgel 66a u 66a^bis CP, tenor l’artitgel 49a u 49a^bis LPM ⁽¹⁰⁾ u tenor l’artitgel 68 da questa lescha è entrada en vigur. ⁽¹¹⁾

10 Las autoritads chantunalas pon concluder cunvegnas d’integraziun cun persunas admessas provisoricamain, sch’igl è avant maun in basegn d’integraziun spezial tenor ils criteris da l’artitgel 58a. ⁽¹²⁾