Art. 81 Deducziun da las contribuziuns
1 Las contribuziuns dals patruns a l’instituziun da provediment ed ils apports a las reservas da las contribuziuns dal patrun, inclusiv tals tenor l’artitgel 65e, valan tar las taglias directas da la Confederaziun, dals chantuns e da las vischnancas sco custs da fatschenta. (1)
2 Las contribuziuns ch’ils lavurants e las persunas cun activitad da gudogn independenta pajan tenor lescha u tenor disposiziuns reglamentaras ad instituziuns da provediment, èn deduciblas tar las taglias directas da la Confederaziun, dals chantuns e da las vischnancas.
3 Per il lavurant assicur ston las contribuziuns che vegnan deducidas dal salari, vegnir inditgadas en l’attest da salari; autras contribuziuns ston vegnir attestadas da las instituziuns da provediment.
(1) Versiun tenor la cifra I da la LF dals 18 da zer. 2004, en vigur dapi il 1. da schan. 2005 (AS 2004 4635; BBl 2003 6399).Es besteht kein Anspruch auf Aktualität und Vollständigkeit/Richtigkeit.
