Art. 716a Incumbensas intransferiblas (1)
1 Il cussegl d’administraziun ha las suandantas incumbensas intransferiblas e nunprivablas:1. exequir la direcziun superiura da la societad e dar las directivas necessarias;2. fixar l’organisaziun;3. concepir la contabilitad, la controlla da finanzas sco er la planisaziun da finanzas, sche quella è necessaria per manar la societad;4. nominar e revocar las persunas ch’èn incumbensadas cun la gestiun e cun la represchentanza;5. exequir la surveglianza suprema da las persunas ch’èn incumbensadas cun la gestiun, en spezial en vista a l’observaziun da las leschas, dals statuts, dals reglaments e da las directivas;6. far il rapport da gestiun (2) sco er preparar la radunanza generala ed exequir ses conclus;7. (3) inoltrar ina dumonda da moratori d’accumodament ed infurmar la dretgira en cas d’ina surdebitaziun;8. (4) en societads cun aczias quotadas ad ina bursa: rediger il rapport d’indemnisaziun.
2 Il cussegl d’administraziun po surdar la preparaziun e l’execuziun da ses conclus u la surveglianza da fatschentas a giuntas u a singuls commembers. El ha da procurar che ses commembers vegnian infurmads adequatamain.
(1) Integr tras la cifra I da la LF dals 4 d’oct. 1991, en vigur dapi il 1. da fan. 1992 ([AS 1992 733]; BBl 1983 II745).
(2) Rectifitg da la Cumissiun da redacziun da l’AF (art. 33 LRC – [AS 1974 1051]).
(3) Versiun tenor la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
(4) Integr tras la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
Es besteht kein Anspruch auf Aktualität und Vollständigkeit/Richtigkeit.
