Ar e. Persunas che coopereschan t. 503
1 Persunas che n’èn betg ablas d’agir, che n’han betg ils dretgs civics e politics (1) pervia d’ina sentenzia penala u che na san betg leger e scriver, ils parents (2) en lingia directa, ils fragliuns dal testader e lur consorts sco er il consort dal testader sez na pon cooperar a la constituziun da la disposiziun publica ni sco funcziunari documentant ni sco perditgas.
2 Il document na dastga cuntegnair naginas disposiziuns a favur dal funcziunari documentant e da las perditgas sco er dals parents en lingia directa e dals fragliuns u dals consorts da questas persunas.
(1) La sistida dals dretgs civics e politics pervia d’ina sentenzia da la dretgira penala è abolida (guardar AS 1971 777; BBl 1965 I 561 ed AS 1974 55; BBl 1974 I 1457).(2) Versiun da quest pled tenor la cifra I 3 da la LF dals 30 da zer. 1972, en vigur dapi il 1. d’avr. 1973 (AS 1972 2819; BBl 1971 I 1200).
Es besteht kein Anspruch auf Aktualität und Vollständigkeit/Richtigkeit.
