Art. 46 II. Lieu da scussiun
1 Il debitur sto vegnir stum a ses lieu da domicil.
2 Las persunas giuridicas e las societads ch’èn inscrittas en il register da commerzi ston vegnir stumadas al lieu da lur sedia, las persunas giuridicas betg inscrittas, al lieu da la sedia principala da lur administraziun.
3 Per ils debits d’ina indivisiun po mintga commember vegnir stum al lieu da l’activitad economica cuminaivla, sch’i manca ina represchentanza. (1)
4 La cuminanza da proprietaris en condomini sto vegnir stumada al lieu, nua che l’object sa chatta. (2)
(1) Integr tras l’art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).(2) Integr tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).
Es besteht kein Anspruch auf Aktualität und Vollständigkeit/Richtigkeit.
