Art. 452 B. Effect da las mesiras envers terzas persunas
1 Ina mesira da la protecziun da creschids po vegnir fatga valair envers terzas persunas, er sch’ellas èn da buna fai.
2 Sche la curatella restrenscha l’abilitad d’agir da la persuna pertutgada, sto vegnir communitg als debiturs che lur prestaziun haja mo in effect liberant, sch’ella vegn furnida al procuratur. Avant na po la curatella betg vegnir fatga valair envers debiturs da buna fai.
3 Sch’ina persuna suttamessa ad ina mesira da la protecziun da creschids ha per sbagl lasch crair auters ch’ella haja l’abilitad d’agir cumplaina, porta ella la responsabladad per il donn ch’ella ha chaschun uschia a questas persunas.
Es besteht kein Anspruch auf Aktualität und Vollständigkeit/Richtigkeit.
