Art. 422 Gestiun en l’interess dal patrun
1 Sche l’administratur ha stuì surpigliar la gestiun d’ina fatschenta pervia da l’interess dal patrun, è quel oblig da pajar al manader da fatschenta tut las anticipaziuns ch’èn stadas necessarias u utilas ed adattadas a las relaziuns, inclusiv ils tschains, e da deliberar l’administratur en la medema dimensiun da las obligaziuns ch’el ha surpigli sco er da prestar indemnisaziun per auters donns tenor appreziar dal derschader.
2 Quest dretg ha l’administratur, sch’el ha agì cun la premura necessaria, er alura, sch’il resultat intenziun n’è betg vegnì cuntanschì.
3 Sche las anticipaziuns na ston betg vegnir indemnisadas a l’administratur, ha el il dretg da prender quai ch’el ha mess a disposiziun tenor las prescripziuns da l’enritgiment nungiustifitg .
Es besteht kein Anspruch auf Aktualität und Vollständigkeit/Richtigkeit.
