Lescha federala davart ils dretgs politics (LDP)

Art. 37 Vuschs supplementaras

¹ Sch’in cedel electoral cuntegna main vuschs da candidat valaivlas che persunas ch’èn d’eleger en il circul electoral per il Cussegl naziunal, valan las lingias vidas sco vuschs supplementaras per la glista ch’è inditgada cun la denominaziun u cun il numer d’ordinaziun sin il cedel electoral. Sche la denominaziun u il numer d’ordinaziun manca ubain sch’il cedel electoral cuntegna dapli ch’ina denominaziun da glista u dapli ch’in numer d’ordinaziun, na valan las lingias vidas betg (vuschs vidas).

² Sch’igl èn vegnidas inoltradas en in chantun pliras glistas regiunalas cun la medema denominaziun, vegnan las vuschs supplementaras sin in cedel electoral, che na cuntegna betg il num da la regiun, attribuidas a la glista da la regiun, nua ch’il cedel electoral è vegnì consegn? . ⁽¹⁾

2bis En las ulteriuras pussaivladads d’applitgar l’artitgel 31 alinea 1^bis vegnan las vuschs supplementaras attribuidas a quella glista che vegn designada sin il cedel electoral. ⁽²⁾ Las vuschs supplementaras che figureschan sin cedels electorals designads en moda insuffizienta vegnan attribuidas a quella glista che la gruppaziun ha design? sco glista da tschep. ⁽³⁾

³ Ils nums che na figureschan betg sin ina glista dal circul electoral, vegnan stritgads. … ⁽⁴⁾

⁴ En cas d’ina cuntradicziun tranter la denominaziun da la glista ed il numer d’ordinaziun vala la denominaziun da la glista.