Lescha federala davart ils dretgs politics (LDP)

Art. 35 Emplenir il cedel electoral

¹ Tgi che dovra il cedel electoral vid, po scriver sin la glista ils nums da las candidatas e dals candidats elegibels sco er la denominaziun da la glista u il numer d’ordinaziun d’ina glista.

² Tgi che dovra in cedel electoral prestamp? , po stritgar nums da candidatas e da candidats prestampads. Ins po er inscriver nums da candidatas e da candidats d’autras glistas (panaschar). Ultra da quai pon ins stritgar il numer d’ordinaziun e la denominaziun da la glista prestampada u remplazzar quels tras in auter numer u tras in’autra denominaziun.

³ Ins po scriver il num d’ina candidata u d’in candidat duas giadas sin il medem cedel electoral (cumular).