Art. 32 Regulaziun da la dimora Permissiun da dimora curta
1 La permissiun da dimora curta vegn concedida per dimoras d’ina durada limitada da fin 1 onn.
2 Ella vegn concedida per in tschert intent da dimora e po vegnir colliada cun ulteriuras cundiziuns.
3 Ella po vegnir prolungada fin ad ina durada totala da 2 onns. La plazza po vegnir midada mo per motivs impurtants.
4 La permissiun da dimora curta po vegnir concedida danovamain, suenter che la dimora en Svizra è vegnida interrutta adequatamain.
Es besteht kein Anspruch auf Aktualität und Vollständigkeit/Richtigkeit.
