Art. 278 H. Opposiziun al cumond da sequestraziun (1)
1 Tgi ch’è pertutg en ses dretgs tras ina sequestraziun, po far protesta tar la dretgira entaifer 10 dis suenter ch’el ha survegnì enconuschientscha da l’ordinaziun da la sequestraziun.
2 La dretgira dat als participads la pussaivladad da prender posiziun e decida alura senza retard.
3 La decisiun da protesta po vegnir contestada cun recurs tenor il CPC (2) . Davant l’instanza da recurs pon las partidas far valair novs fatgs.
4 Protestas e recurs n’impedeschan betg l’effect da la sequestraziun.
(1) Versiun tenor l’art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).(2) SR 272
Es besteht kein Anspruch auf Aktualität und Vollständigkeit/Richtigkeit.
