LAVS Art. 18 - Dretg d’ina renta ⁽¹⁾

Einleitung zur Rechtsnorm LAVS:

Art. 18 A. Il dretg d’ina renta I. Disposiziuns generalas Dretg d’ina renta ⁽¹⁾

¹ Il dretg da rentas da vegliadetgna e per survivents han burgais svizzers, persunas estras e persunas senza naziunalitad tenor las suandantas disposiziuns. ⁽²⁾ … ⁽³⁾

² Las persunas estras sco er lur survivents senza dretg da burgais svizzer han il dretg da rentas, uschè ditg ch’els han lur domicil e lur dimora ordinaria (art. 13 LPGA ⁽⁴⁾ ) en Svizra. ⁽⁵⁾ Questa premissa sto vegnir ademplida persunalmain da mintga persuna che survegn ina renta. ⁽⁶⁾ Resalvadas restan las prescripziuns spezialas dal dretg federal davart il status dals fugitivs e da las persunas senza naziunalitad sco er las cunvegnas internaziunalas divergentas, en spezial cun stadis, dals quals la legislaziun conceda als burgais svizzers ed a lur survivents avantatgs ch’èn circa equivalents a quels da questa lescha. ^{(7) (8)}

2bis Per il dretg d’ina renta en cas da persunas che han gì successivamain pliras naziunalitads è decisiva la naziunalitad durant la retratga da la renta. ⁽⁹⁾

³ A las persunas estras che han lur domicil a l’exteriur e che derivan d’in stadi, cun il qual i n’è vegnida fatga nagina cunvegna internaziunala, sco er a lur survivents pon vegnir restituidas las contribuziuns ch’els han paj tenor ils artitgels 5, 6, 8, 10 u 13. Il Cussegl federal regla ils detagls, en spezial la dimensiun da la restituziun. ^{(2) (8)}

Art. 18 Lescha federala davart l’assicuranza per vegls e survivents (AHVG) - Anwendung bei den Gerichten

Anwendung im Kantonsgericht

Anwendung im Verwaltungsgericht

Anwendung im Bundesgericht

Anwendung im Bundesverwaltungsgericht

Kommentare zum Gesetzesartikel