LFPr Art. 14 - Contract d’emprendissadi

Einleitung zur Rechtsnorm LFPr:

Art. 14 Contract d’emprendissadi

¹ Ils emprendists ed ils purschiders da la furmaziun pratica professiunala fan in contract d’emprendissadi. El sa drizza tenor las disposiziuns dal Dretg d’obligaziuns ⁽¹⁾ concernent il contract d’emprendissadi (art. 344–346a), uschenavant che questa lescha na cuntegna naginas regulaziuns divergentas.

² Il contract vegn concludì il cumenzament da l’emprendissadi e vala per l’entira durada da la furmaziun fundamentala professiunala. Sche la furmaziun pratica professiunala ha lieu successivamain en plirs manaschis, po il contract vegnir fatg mintgamai per la part respectiva da l’emprendissadi.

³ Il contract d’emprendissadi sto vegnir approv da l’autoritad chantunala cumpetenta. Per l’approvaziun na dastgan vegnir adossadas naginas taxas.

⁴ Sch’il contract d’emprendissadi vegn schli , sto il purschider da la furmaziun infurmar immediatamain l’autoritad chantunala ed eventualmain la scola professiunala spezialisada.

⁵ Sch’in manaschi vegn serr u sch’el na garantescha betg pli la furmaziun fundamentala professiunala tenor las prescripziuns legalas, procuran las autoritads chantunalas ch’ina furmaziun fundamentala professiunala cumenzada possia – sche pussaivel – vegnir terminada en urden.

⁶ Las prescripziuns da questa lescha èn er applitgablas per l’emprendissadi, sch’igl è vegnì tralasch da far in contract d’emprendissadi u sch’in tal na vegn betg inoltr u vegn inoltr cun retard per l’approvaziun.