LPP Art. 11 - Affiliaziun ad ina instituziun da provediment

Einleitung zur Rechtsnorm LPP:

Art. 11 Obligaziun da provediment dal patrun Affiliaziun ad ina instituziun da provediment

¹ Il patrun ch’occupa lavurants ch’èn d’assicurar obligatoricamain sto fundar ina instituziun da provediment inscritta en il register dal provediment professiunal u s’affiliar ad ina tala.

² Sch’il patrun na dispona betg gia d’ina instituziun da provediment, tscherna el ina tala en enclegientscha cun ses persunal u cun in’eventuala represchentanza dals lavurants. ⁽¹⁾

³ L’affiliaziun ha lieu cun effect retroactiv.

3bis La schliaziun d’ina affiliaziun existenta e la reaffiliaziun ad ina nova instituziun da provediment tras il patrun han lieu en enclegientscha cun il persunal u cun in’eventuala represchentanza dals lavurants. L’instituziun da provediment sto annunziar la schliaziun dal contract d’affiliaziun a l’instituziun auxiliara (art. 60). ^{(2) (3)}

3ter Sch’i na dat nagina enclegientscha en ils cas tenor ils alineas 2 e 3^bis, decida in derschader da cumpromiss neutral che vegn design en cunvegnientscha vicendaivla u – en cas da discordia – da l’autoritad da surveglianza. ⁽³⁾

⁴ La cassa da cumpensaziun da la AVS controllescha, sch’ils patruns, ch’èn suttamess ad ella, èn affiliads ad ina instituziun da provediment registrada. ⁽⁵⁾

⁵ Ella cumonda als patruns che n’adempleschan betg lur obligaziun tenor l’alinea 1, da s’affiliar entaifer 2 mais ad ina instituziun da provediment registrada. ⁽⁵⁾

⁶ Sch’il patrun n’ademplescha betg il cumond da la cassa da cumpensaziun da la AVS entaifer il termin fix , annunzia quella quest patrun a l’instituziun auxiliara (art. 60) per l’affiliaziun retroactiva. ⁽⁷⁾

⁷ L’instituziun auxiliara e la cassa da cumpensaziun da la AVS mettan a quint al patrun negligent ils custs administrativs ch’el ha chaschun . Ils custs administrativs nunincassabels vegnan surpigliads dal fond da garanzia (art. 56 al. 1 lit. d e h). ⁽⁷⁾