Art. 11 Obligaziun da dumandar ina permissiun per ina dimora cun activitad da gudogn
1 Persunas estras che vulan pratitgar in’activitad da gudogn en Svizra basegnan ina permissiun, e quai independentamain da la durada da la dimora. Questa permissiun sto vegnir dumandada tar l’autoritad ch’è cumpetenta al lieu da lavur previs.
2 Sco activitad da gudogn vala mintga activitad dependenta u independenta che vegn normalmain pratitgada cunter indemnisaziun, er sche questa activitad da gudogn succeda gratuitamain.
3 En cas d’ina activitad da gudogn dependenta sto la permissiun vegnir dumandada tras il patrun.
Es besteht kein Anspruch auf Aktualität und Vollständigkeit/Richtigkeit.
