LFPr Art. 56b - Sistem d’infurmaziun

Einleitung zur Rechtsnorm LFPr:

Art. 56b ⁽¹⁾ Sistem d’infurmaziun

¹ Il SEFRI maina in sistem d’infurmaziun per controllar il pajament da contribuziuns tenor l’artitgel 56a sco er per far ed evaluar statisticas respectivas.

² En il sistem d’infurmaziun elavura el las suandantas datas:

a. indicaziuns per identifitgar persunas che han survegnì contribuziuns tenor l’artitgel 56a alineas 1 e 4;

b. indicaziuns per identifitgar absolvents d’examens professiunals federals e d’examens professiunals federals superiurs tenor l’artitgel 28;

c. ⁽²⁾ ...

d. indicaziuns davart la contribuziun survegnida tenor l’artitgel 56a alineas 1 e 4;

e. indicaziuns davart ils curs preparatorics absolvids;

f. indicaziuns davart ils examens professiunals federals ed ils examens professiunals federals superiurs absolvids.

³ Il Cussegl federal decretescha disposiziuns davart l’organisaziun e davart la gestiun dal sistem d’infurmaziun sco er davart la segirezza, davart la durada da la conservaziun e davart la stizzada da las datas.

⁴ El po incumbensar terzas persunas cun la gestiun dal sistem d’infurmaziun e cun l’elavuraziun da las datas.

⁽¹⁾ Integr tras la cifra I da la LF dals 16 da dec. 2016, en vigur dapi il 1. da schan. 2018 (AS 2017 5143; BBl 2016 3089).
⁽²⁾ Abolì tras la cifra 8 da l’agiunta da la LF dals 18 da dec. 2020 (Diever sistematic dal numer da la AVS tras las autoritads), cun effect dapi il 1. da schan. 2022 (AS 2021 758; BBl 2019 7359).

Es besteht kein Anspruch auf Aktualität und Vollständigkeit/Richtigkeit.