Lescha davart il dretg d’autur (LDAu)

Art. 24d ⁽¹⁾ Utilisaziun d’ovras per intents da la perscrutaziun scientifica

¹ Per intents da la perscrutaziun scientifica èsi admissibel da reproducir in’ovra, sche la reproducziun è necessaria per applitgar ina procedura tecnica e sch’igl exista in access giuridicamain admissibel a las ovras ch’èn da reproducir.

² Cur che la perscrutaziun scientifica è finida, dastgan las reproducziuns producidas en il rom da quest artitgel vegnir conservadas per motivs d’archivaziun e da segirada.

³ Quest artitgel na vala betg per la reproducziun da programs da computer.