Cudesch civil svizzer (CCS)

Art. 818 C. Effect / VII. Realisaziun dal pegn / 3. Dimensiun da la garanzia

3. Dimensiun da la garanzia

¹ Il pegn immobigliar porscha garanzia al creditur:

1.

per il chapital;

2.

per ils custs da la scussiun e per ils tschains da retard;

3.¹

per trais tschains annuals ch’èn scrudads il mument da la decleraziun da concurs u da la dumonda per la realisaziun dal pegn immobigliar, sco er per il tschains che curra dapi l’ultim termin da pajament; tar la brev ipotecara vegnan garantids mo ils tschains effectivamain debitads.

² Il tschains ch’è vegnì fixà oriundamain na dastga betg vegnir augmentà sin pli che 5 pertschient, sche quai è a disfavur dals crediturs ipotecars posteriurs.

¹ Versiun tenor la cifra I 1 da la LF dals 11 da dec. 2009 (brev ipotecara registrada ed ulteriuras midadas en il dretg real), en vigur dapi il 1. da schan. 2012 (AS 2011 4637; BBl 2007 5283).