Lescha federala davart la prevenziun professiunala per vegls, survivents ed invaliditad (LPP)

Art. 8 Salari coordinà

¹ D’assicurar è la part dal salari annual da 24 885 fin e cun 85 320 francs¹. Questa part vegn numnada salari coordinà.²

² Sch’il salari coordinà importa main che 3555 francs³ per onn, sto el vegnir arrundà sin questa summa.⁴

³ Sch’il salari annual sa reducescha temporarmain pervia da malsogna, accident, dischoccupaziun, maternitad u per motivs sumegliants, resta il salari coordinà vertent en vigur almain uschè ditg, sco quai ch’il patrun è obligà da pajar il salari tenor l’artitgel 324a dal Dretg d’obligaziuns⁵ u almain per la durada d’in congedi da maternitad tenor l’artitgel 329f dal Dretg d’obligaziuns. La persuna assicurada po dentant pretender ch’il salari coordinà vegnia reducì.⁶

¹ Summas tenor l’art. 5 da l’O dals 18 d’avr. 1984 davart la prevenziun professiunala per vegls, survivents ed invaliditad en la versiun da la midada dals 21 da sett. 2018, en vigur dapi il 1. da schan. 2019 (AS 2018 3537).
² Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).
³ Summa tenor l’art. 5 da l’O dals 18 d’avr. 1984 davart la prevenziun professiunala per vegls, survivents ed invaliditad en la versiun da la midada dals 21 da sett. 2018, en vigur dapi il 1. da schan. 2019 (AS 2018 3537).
⁴ Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).
⁵ SR 220
⁶ Versiun tenor la cifra 2 da l’agiunta da la LF dals 3 d’oct. 2003, en vigur dapi il 1. da fan. 2005 (AS 2005 1429; BBl 2002 7522, 2003 1112 2923).