Cudesch da procedura penala (CPP)

Art. 63

¹ La direcziun da la procedura procura per segirezza, per quietezza e per urden durant las tractativas.

² Ella po admonir persunas che disturban l’andament da las fatschentas u che violeschan las reglas da maniera. En cas da recidiva las po ella privar dal pled, spedir or da la sala da tractativa e sche necessari laschar metter en fermanza da la polizia fin a la fin da la tractativa. Ella po laschar rumir la sala da tractativa.

³ Ella po pretender il sustegn da la polizia ch’è cumpetenta al lieu da l’act processual.

⁴ Sch’ina partida vegn exclusa, vegni tuttina cuntinuà cun l’act processual.