Cudesch da procedura civila svizzer (CPC)

Art. 5

¹ Il dretg chantunal designescha la dretgira ch’è cumpetenta sco suletta instanza chantunala per:

a.

dispitas en connex cun la proprietad intellectuala, inclusiv las dispitas che concernan la nullitad, la titularitad, il licenziament, il transferiment e la vio­laziun da tals dretgs;

b.

dispitas dal dretg da cartels;

c.

dispitas davart l’utilisaziun d’ina firma;

d.

dispitas tenor la Lescha federala dals 19 da december 1986⁴ davart la con­cur­renza illoiala, sche la valur en dispita importa passa 30 000 francs u sche la Confederaziun fa diever da ses dretg da purtar plant;

e.⁵

dispitas tenor la Lescha federala dals 13 da zercladur 2008 davart la respon­sabladad civila per l’energia nucleara⁶;

f.

plants cunter la Confederaziun;

g.

la nominaziun d’in controllader spezial tenor l’artitgel 697b dal Dretg d’obligaziuns⁷ (DO);

h.⁸

dispitas tenor la Lescha dals 23 da zercladur 2006⁹ davart las investiziuns collectivas, tenor la Lescha dals 19 da zercladur 2015¹⁰ da las infrastructuras da finanzas e tenor la Lescha federala dals 15 da zercladur 2018¹¹ davart ils instituts da finanzas;

i.¹²

dispitas tenor la Lescha dals 21 da zercladur 2013¹³ davart la protecziun da las vopnas, tenor la Lescha federala dals 25 da mars 1954¹⁴ davart la pro­tecziun da l’emblem e dal num da la Crusch Cotschna e tenor la Lescha federala dals 15 da december 1961¹⁵ davart la protecziun dals nums e dals emblems da l’Organisaziun da las Naziuns Unidas e d’autras organisaziuns interguvernamentalas.

² Questa instanza è er cumpetenta per ordinar mesiras preventivas avant l’entrada da la litispendenza d’in plant.

⁴ SR 241

⁵ Versiun tenor la cifra 1 da l’agiunta 2, en vigur dapi il 1. da schan. 2022 (AS 2010 1739; BBl 2006 7221; AS 2022 43; BBl 2007 5397).

⁶ SR 732.44

⁷ SR 220

⁸ Versiun tenor la cifra II 4 da l’agiunta da la LF dals 15 da zer. 2018 davart ils instituts da finanzas, en vigur dapi il 1. da schan. 2020 (AS 2018 5247, 2019 4631; BBl 2015 8901).

⁹ SR 951.31

¹⁰ SR 958.1

¹¹ SR 954.1

¹² Integrà tras la cifra II 3 da l’agiunta 3 da la Lescha da las vopnas dals 21 da zer. 2013 davart la protecziun, en vigur dapi il 1. da schan. 2017 (AS 2015 3679; BBl 2009 8533).

¹³ SR 232.21

¹⁴ SR 232.22

¹⁵ SR 232.23