E-MailWeiterleiten
LinkedInLinkedIn

Lescha federala davart la prevenziun professiunala per vegls, survivents ed invaliditad (LPP)

Art. 49 Lescha federala davart la prevenziun professiunala per vegls, survivents ed invaliditad (LPP) drucken

Art. 491Champ d’atgna cumpetenza

1 En il rom da questa lescha èn las instituziuns da prevenziun libras en quai che reguarda la concepziun da lur prestaziuns, la finanziaziun da talas e lur organisaziun. En il reglament pon ellas prevair che prestaziuns, che surpassan las disposiziuns legalas minimalas, vegnian pajadas mo fin a la cumplenida da la vegliadetgna da renta.

2 Sche l’instituziun da prevenziun conceda dapli che las prestaziuns minimalas, valan per la prevenziun pli extendida mo las prescripziuns davart:2

1.3
la definiziun ed ils princips da la prevenziun professiunala sco er dal salari assicurabel u da las entradas assicurablas (art. 1, 33a e 33b);
2.4
ils acquists supplementars per la retratga anticipada da la prestaziun da vegliadetgna (art. 13a al. 8);
3.
ils benefiziaris da prestaziuns per survivents (art. 20a);
3a.5
l’adattaziun da la renta d’invaliditad suenter la cumpensaziun da la prevenziun professiunala (art. 24 al. 5);
3b.6
la cuntinuaziun provisorica da l’assicuranza ed il mantegniment dal dretg da prestaziuns en cas che la renta da l’assicuranza d’invaliditad vegn reducida u abolida (art. 26a);
4.
la restituziun da prestaziuns retratgas nungiustifitgadamain (art. 35a);
5.7
l’adattaziun al svilup dals pretschs (art. 36 al. 2–4);
5a.8
il consentiment en cas d’ina cumpensaziun en chapital (art. 37a);
6.
la surannaziun da dretgs e la conservaziun da documents da prevenziun (art. 41);
6a.9
l’utilisaziun sistematica dal numer d’assicuranza da la AVS (art. 48 al. 4);
7.10
l’administraziun paritetica e las incumbensas da l’organ suprem da l’instituziun da prevenziun (art. 51 ed art. 51a);
8.
la responsabladad (art. 52);
9.11
l’admissiun e las incumbensas dals organs da controlla (art. 52a–52e);
10.12
l’integritad e la loialitad da las persunas responsablas, ils acts giuridics cun persunas da confidenza ed ils conflicts d’interess (art. 51b, 51c e 53a);
11.
la liquidaziun parziala u totala (art. 53b–53d);
12.13
la schliaziun da contracts (art. 53e e 53f);
13.
il fond da garanzia (art. 56 al. 1 lit. c ed al. 2–5, art. 56a, 57 e 59);
14.14
la surveglianza e la surveglianza suprema (art. 61–62a e 64–64c);
15.15
...
16.16
la segirezza finanziala (art. 65, 65c, 65d al. 1, 2 e 3 lit. a segunda frasa e b, art. 65e, 66 al. 4, 67 e 72a–72g);
17.
la transparenza (art. 65a);
18.
las retenziuns (art. 65b);
19.
ils contracts d’assicuranza tranter instituziuns da prevenziun ed instituziuns d’assicuranza (art. 68 al. 3 e 4);
20.
las participaziuns al surpli che resulta da contracts d’assicuranza (art. 68a);
21.
l’administraziun da la facultad (art. 71);
22.
la giurisdicziun (art. 73 e 74);
23.
las disposiziuns penalas (art. 75–79);
24.
la cumpra (art. 79b);
25.
il salari assicurabel e las entradas assicurablas (art. 79c);
25a.17
l’elavuraziun da datas per attribuir u per verifitgar il numer d’assicuranza da la AVS (art. 85a lit. f);
25b.18
la communicaziun da datas per attribuir u per verifitgar il numer d’assicuranza da la AVS (art. 86a al. 2 lit. bbis);
26.
l’infurmaziun da las persunas assicuradas (art. 86b).

1 Versiun tenor la cifra I da la LF dals 3 d’oct. 2003 (1. revisiun da la LPP), al. 2 cifras 7–9, 12–14, 16 (cun excepziun da l’art. 66 al. 4), 17, 19–23 e 26 en vigur dapi il 1. d’avr. 2004, al. 1 e 2 cifras 3–6, 10, 11, 15, 16 (art. 66 al. 4) e 18 en vigur dapi il 1. da schan. 2005, al. 2 cifra 1, 24 e 25 en vigur dapi il 1. da schan. 2006 (AS 2004 1677; BBl 2000 2637).
2 Versiun tenor la cifra I da la LF dals 17 da dec. 2010 (finanziaziun da las instituziuns da prevenziun da corporaziuns da dretg public), en vigur dapi il 1. da schan. 2012 (AS 2011 3385; BBl 2008 8411).
3 Versiun tenor la cifra I da la LF dals 11 da dec. 2009 (mesiras per facilitar a lavurants pli vegls da sa participar al martgà da lavur), en vigur dapi il 1. da schan. 2011 (AS 2010 4427; BBl 2007 5669).
4 La cifra 2 è obsoleta, cunquai che la 11. revisiun da la AVS dals 3 d’oct. 2003 (BBl 2004 3943) ha fatg naufragi.
5 Integrà tras la cifra 4 da l’agiunta da la LF dals 19 da zer. 2015 (cumpensaziun da la prevenziun professiunala en cas da divorzi), en vigur dapi il 1. da schan. 2017 (AS 2016 2313; BBl 2013 4887).
6 Oriundamain cifra 3a. Integrà tras la cifra 6 da l’agiunta da la LF dals 18 da mars 2011 (6. revisiun da la AI, emprim pachet da mesiras) (AS 2011 5659; BBl 2010 1817).
7 Versiun tenor la cifra I da la LF dals 18 da zer. 2004, en vigur dapi il 1. da schan. 2005 (AS 2004 4635; BBl 2003 6399).
8 Integrà tras la cifra 4 da l’agiunta da la LF dals 19 da zer. 2015 (cumpensaziun da la prevenziun professiunala en cas da divorzi), en vigur dapi il 1. da schan. 2017 (AS 2016 2313; BBl 2013 4887).
9 Integrà tras la cifra 9 da l’agiunta da la LF dals 23 da zer. 2006 (nov numer da l’AVS), en vigur dapi il 1. da dec. 2007 (AS 2007 5259; BBl 2006 501).
10 Versiun tenor la cifra I da la LF dals 19 da mars 2010 (refurma structurala), en vigur dapi il 1. da schan. 2012 (AS 2011 3393; BBl 2007 5669).
11 Versiun tenor la cifra I da la LF dals 19 da mars 2010 (refurma structurala), en vigur dapi il 1. da schan. 2012 (AS 2011 3393; BBl 2007 5669).
12 Versiun tenor la cifra I da la LF dals 19 da mars 2010 (refurma structurala), en vigur dapi il 1. da schan. 2012 (AS 2011 3393; BBl 2007 5669).
13 Versiun tenor la cifra I da la LF dals 20 da dec. 2006 (midada da l’instituziun da prevenziun), en vigur dapi il 1. da matg 2007 (AS 2007 1803; BBl 2005 5941 5953).
14 Versiun tenor la cifra I da la LF dals 19 da mars 2010 (refurma structurala), en vigur dapi il 1. da schan. 2012 (AS 2011 3393; BBl 2007 5669).
15 Abolì tras la cifra I da la LF dals 19 da mars 2010 (refurma structurala), cun effect dapi il 1. da schan. 2012 (AS 2011 3393; BBl 2007 5669).
16 Versiun tenor la cifra I da la LF dals 17 da dec. 2010 (finanziaziun da las instituziuns da prevenziun da corporaziuns da dretg public), en vigur dapi il 1. da schan. 2012 (AS 2011 3385; BBl 2008 8411).
17 Integrà tras la cifra 9 da l’agiunta da la LF dals 23 da zer. 2006 (nov numer da l’AVS), en vigur dapi il 1. da dec. 2007 (AS 2007 5259; BBl 2006 501).
18 Integrà tras la cifra 9 da l’agiunta da la LF dals 23 da zer. 2006 (nov numer da l’AVS), en vigur dapi il 1. da dec. 2007 (AS 2007 5259; BBl 2006 501).


Dieser Gesetzesartikel ist im Jahr 2021 (prüfen Sie auf Aktualität) in Kraft getreten. Es besteht kein Anspruch auf Aktualität und Vollständigkeit/Richtigkeit. Wir verweisen Sie dazu auf www.admin.ch.

Wollen Sie werbefrei und mehr Einträge sehen? Hier geht es zur Registrierung.
SWISSRIGHTS verwendet Cookies, um Inhalte und Anzeigen zu personalisieren, Funktionen für soziale Medien anbieten zu können und die Zugriffe auf der Website analysieren zu können. Weitere Informationen finden Sie hier: Datenschutz