Lescha federala davart la prevenziun professiunala per vegls, survivents ed invaliditad (LPP)

Art. 48 Princips¹

¹ Las instituziuns da prevenziun che vulan sa participar a la realisaziun da l’assicuranza obligatorica ston sa laschar inscriver en il register da la prevenziun professiunala tar l’autoritad da surveglianza, a la quala ellas èn suttamessas (art. 61).

² Instituziuns da prevenziun registradas ston avair la furma giuridica d’ina fundaziun u esser instituziuns da dretg public cun atgna persunalitad giuridica.² Ellas ston furnir prestaziuns tenor las prescripziuns davart l’assicuranza obligatorica e vegnir organisadas, finanziadas ed administradas tenor questa lescha.

³ Ina instituziun da prevenziun vegn stritgada or dal register, sch’ella:

a.

n’ademplescha betg pli las premissas legalas per la registraziun e na fa betg las adattaziuns necessarias entaifer il termin fixà da l’autoritad da surveglianza;

b.

desista da la registraziun.³

⁴ Las instituziuns da prevenziun registradas e las terzas persunas participadas a lur realisaziun da la prevenziun professiunala han il dretg d’utilisar sistematicamain il numer d’assicuranza da la AVS tenor las disposiziuns da la LAVS⁴ per ademplir lur incumbensas legalas.⁵

¹ Versiun tenor la cifra 9 da l’agiunta da la LF dals 23 da zer. 2006 (nov numer da l’AVS), en vigur dapi il 1. da dec. 2007 (AS 2007 5259; BBl 2006 501).
² Versiun tenor la cifra I da la LF dals 17 da dec. 2010 (finanziaziun da las instituziuns da prevenziun da corporaziuns da dretg public), en vigur dapi il 1. da schan. 2014 (AS 2011 3385; BBl 2008 8411).
³ Integrà tras la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).
⁴ SR 831.10
⁵ Integrà tras la cifra 9 da l’agiunta da la LF dals 23 da zer. 2006 (nov numer da l’AVS), en vigur dapi il 1. da dec. 2007 (AS 2007 5259; BBl 2006 501).