Cudesch civil svizzer (CCS)

Art. 45 B. Organisaziun / I. Autoritads da stadi civil / 2. Autoritads da surveglianza

2. Autoritads da surveglianza

¹ Mintga chantun nominescha l’autoritad da surveglianza.

² Questa autoritad ha spezialmain las suandantas incumbensas:

1.

survegliar ils uffizis da stadi civil;

2.

sustegnair e cussegliar ils uffizis da stadi civil;

3.

collavurar tar la gestiun dals registers e tar la procedura da preparaziun per la maridaglia;

4.

decretar disposiziuns davart la renconuschientscha e davart l’inscripziun da fatgs da stadi civil che han gì lieu a l’exteriur sco er da decisiuns a l’exteriur che pertutgan il stadi civil;

5.

procurar per la scolaziun e per la furmaziun supplementara da persunas che lavuran en il sectur dal stadi civil.

³ La Confederaziun ha la surveglianza suprema. Ella po inoltrar meds legals chantunals cunter disposiziuns dals funcziunaris da stadi civil sco er cunter quellas da las autoritads da surveglianza.¹

¹ Versiun tenor la cifra I da la LF dals 5 d’oct. 2001 (administraziun electronica dal register da stadi civil), en vigur dapi il 1. da fan. 2004 (AS 2004 2911; BBl 2001 1639).