Cudesch civil svizzer (CCS)

Art. 439 G. Appellaziun a la dretgira

G. Appellaziun a la dretgira

¹ La persuna pertutgada u ina persuna da sia confidenza po appellar en scrit a la dretgira responsabla en ils suandants cas:

1.

en cas d’in plazzament decretà dal medi;

2.

en cas d’ina retenziun tras l’institut;

3.

en cas che la dumonda da relaschada vegn refusada da l’institut;

4.

en cas d’in tractament d’in disturbi psichic senza consentiment;

5.

en cas da mesiras per restrenscher la libertad da sa mover.

² Il termin per appellar a la dretgira importa 10 dis a partir da la communicaziun da la decisiun. En cas da mesiras per restrenscher la libertad da sa mover po la dretgira vegnir appellada da tut temp.

³ La procedura sa drizza analogamain tenor las disposiziuns davart la procedura davant l’instanza giudiziala da recurs.

⁴ Mintga dumonda per in giudicat giudizial sto vegnir tramessa immediatamain a la dretgira responsabla.