E-MailWeiterleiten
LinkedInLinkedIn

Lescha federala davart la prevenziun professiunala per vegls, survivents ed invaliditad (LPP)

Art. 41 Lescha federala davart la prevenziun professiunala per vegls, survivents ed invaliditad (LPP) drucken

Art. 411Surannaziun da dretgs e conservaziun da documents da prevenziun

1 Ils dretgs da prestaziuns na suranneschan betg, sche las persunas assicuradas n’han betg bandunà l’instituziun da prevenziun, cur ch’il cas d’assicuranza resulta.

2 Pretensiuns sin contribuziuns e prestaziuns periodicas suranneschan suenter 5 onns, autras pretensiuns suenter 10 onns. Ils artitgels 129–142 dal Dretg d’obligaziuns2 èn applitgabels.

3 Dabuns ch’èn deponids sin contos u sin polissas da libra circulaziun tenor l’artitgel 10 da l’Ordinaziun dals 3 d’october 19943 davart la libra circulaziun vegnan transferids 10 onns suenter la vegliadetgna ordinaria da renta (art. 13) al fond da garanzia; quel als utilisescha per finanziar l’Uffizi central da la 2. pitga.

4 Sch’i n’è betg pussaivel d’eruir la data da naschientscha exacta da la persuna assicurada, vegnan ils dabuns da libra circulaziun, per ils quals las instituziuns che als administreschan n’han survegnì durant 10 onns naginas novitads da la persuna assicurada u da ses ertavels, administrads vinavant da questas instituziuns fin l’onn 2010. Suenter vegnan transferids er quests dabuns al fond da garanzia; quel als utilisescha tenor l’alinea 3.

5 Il fond da garanzia ademplescha pretensiuns sin dabuns ch’èn vegnids transferids ad el tenor ils alineas 3 e 4, uschenavant che lur existenza vegn cumprovada da la persuna assicurada u da ses ertavels.

6 Pretensiuns che na vegnan betg fatgas valair tenor l’alinea 5, suranneschan cur che la persuna assicurada ha cumplenì u avess cumplenì ses 100. onn da vegliadetgna.

7 Ils alineas 1–6 èn applitgabels er per obligaziuns che resultan da contracts tranter las instituziuns da prevenziun e las societads d’assicuranza ch’èn suttamessas a la surveglianza da las assicuranzas.

8 Il Cussegl federal decretescha disposiziuns davart la conservaziun da documents da prevenziun en vista al fatg che las persunas assicuradas fan valair lur dretgs.


1 Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).
2 SR 220
3 SR 831.425



Dieser Gesetzesartikel ist im Jahr 2021 (prüfen Sie auf Aktualität) in Kraft getreten. Es besteht kein Anspruch auf Aktualität und Vollständigkeit/Richtigkeit. Wir verweisen Sie dazu auf www.admin.ch.

Wollen Sie werbefrei und mehr Einträge sehen? Hier geht es zur Registrierung.
SWISSRIGHTS verwendet Cookies, um Inhalte und Anzeigen zu personalisieren, Funktionen für soziale Medien anbieten zu können und die Zugriffe auf der Website analysieren zu können. Weitere Informationen finden Sie hier: Datenschutz