Cudesch penal svizzer (CPS)

Art. 367 Elavuraziun da las datas ed invista

Elavuraziun da las datas ed invista

¹ Las suandantas autoritads elavureschan en il register datas da persunas davart sentenzias tenor l’artitgel 366 alineas 1-3:¹

a.

l’Uffizi federal da giustia;

b.

las autoritads da la giustia penala;

c.

las autoritads da la giustia militara;

d.

las autoritads d’execuziun penala;

e.

ils posts da coordinaziun dals chantuns.

² Las suandantas autoritads dastgan prender invista da las datas da persunas davart sentenzias tenor l’artitgel 366 alineas 1, 2 e 3 literas a e b tras ina procedura d’invista:²

a.

las autoritads tenor l’alinea 1;

b.

la Procura publica federala;

c.

l’Uffizi federal da polizia en il rom da proceduras da retschertga da la polizia giudiziala;

d.

la Gruppa da defensiun³;

e.⁴

il Secretariat da stadi per migraziun⁵;

f. ⁶

...

g.

las autoritads chantunalas da la polizia d’esters;

h.

las autoritads chantunalas ch’èn cumpetentas per il traffic sin via;

i.⁷

las autoritads federalas ch’èn cumpetentas per realisar controllas da segirezza relativas a persunas en il senn da l’artitgel 2 alinea 2 litera a da la Lescha federala dals 21 da mars 1997⁸ davart mesiras per mantegnair la segirezza interna;

j.⁹

l’Uffizi federal dal servetsch civil¹⁰;

k.¹¹

ils posts chantunals ch’èn responsabels per decider davart l’exclusiun dal servetsch da protecziun;

l.¹²

il Post per la protecziun da perditgas da la Confederaziun tenor la Lescha federala dals 23 da december 2011¹³ davart la protecziun extraprocessuala da perditgas, per ademplir sias incumbensas;

m.¹⁴

il SIC.

^2bis Las suandantas autoritads dastgan prender invista da las datas da persunas davart sentenzias tenor l’artitgel 366 alinea 3 litera c tras ina procedura d’invista:

a.

la Gruppa da defensiun¹⁵ per examinar ina nunrecrutaziun u in’admissiun a la recrutaziun, in’exclusiun or da l’armada u ina readmissiun a l’armada ubain ina degradaziun tenor la LM¹⁶, per examinar motivs d’impediment per surlaschar l’arma persunala tenor la LM, per examinar la qualificaziun per ina promoziun u per ina nominaziun tenor la LM;

b.¹⁷

las autoritads federalas ch’èn cumpetentas per realisar controllas da segirezza relativas a persunas en il senn da l’artitgel 2 alinea 2 litera a da la Lescha federala dals 21 da mars 1997 davart mesiras per mantegnair la segirezza interna;

c.

las autoritads da la giustia penala per realisar proceduras penalas (art. 365 al. 2 lit. a);

d.

ils posts chantunals da coordinaziun e l’Uffizi federal da giustia per ademplir lur incumbensas legalas en il rom da la gestiun dal register;

e.

las autoritads d’execuziun penala per realisar l’execuziun da chastis e da mesiras (art. 365 al. 2 lit. c).¹⁸

^2ter Las autoritads tenor ils alineas 2 literas c-l e 2^septies pon prender invista da sentenzias che cuntegnan in’expulsiun, uschè ditg che l’expulsiun è imponida al pertutgà. Sch’il termin tenor l’artitgel 369 è pli lung, è quel decisiv per la durada da la pussaivladad da prender invista.¹⁹

^2quater Per ademplir las incumbensas tenor l’artitgel 365 alinea 2 literas n-q annunzia il post federal ch’è cumpetent per il register cuntinuadamain a la Gruppa da defensiun las suandantas datas registradas da nov en VOSTRA davart persunas obligadas da far la mustra, davart appartegnents da l’armada sco er davart persunas obligadas da far servetsch da protecziun civila:²⁰

a.

tut las sentenzias penalas pervia d’in crim u pervia d’in delict;

b.

tut las mesiras da detenziun;

c.

tut las decisiuns davart il nunsuccess da persunas ch’èn obligadas da far la mustra e da schuldads.²¹

^2quinquies Annunziadas vegnan las persunalias dals Svizzers ch’èn registrads tenor l’alinea 2^quater a partir dal 17avel onn da vegliadetgna. Sch’il Stab directiv da l’armada constatescha ch’ina persuna annunziada è obligada da far la mustra u appartegna a l’armada, annunzia il post ch’è responsabel per il register er las datas penalas.²²

^2sexies L’annunzia e la constataziun tenor l’alinea 2^quinquies pon vegnir fatgas sur l’interfatscha electronica tranter il Sistem d’infurmaziun dal persunal da l’armada (PISA) ed il register.²³

^2septies Sin dumonda en scrit po l’Uffizi federal da sport prender invista da las datas da persunas davart sentenzias penalas per examinar la reputaziun en vista a la concessiun u a la retratga d’ina renconuschientscha da cader da «Giuventetgna e sport».²⁴

³ Sch’il dumber da dumondas per infurmaziuns giustifitgescha quai, po il Cussegl federal - suenter avair tadlà l’Incumbensà federal per la protecziun da datas e per la transparenza²⁵ e fin che la basa legala va en vigur en ina lescha formala - extender ils dretgs da prender invista tenor l’alinea 2 sin ulteriuras autoritads giudizialas ed administrativas da la Confederaziun u dals chantuns.

⁴ Datas da persunas davart proceduras penalas pendentas dastgan vegnir elavuradas mo tras las autoritads tenor l’alinea 1 literas a-e, j, l ed m.²⁶

^4bis ...²⁷

^4ter Sin dumonda en scrit po l’Uffizi federal da sport prender invista da las datas da persunas davart proceduras penalas pendentas per examinar la reputaziun en vista a la concessiun u a la sistida d’ina renconuschientscha da cader da «Giuventetgna e sport».²⁸

⁵ Mintga chantun fixescha in post da coordinaziun per l’elavuraziun da las datas en il register.

⁶ Il Cussegl federal fixescha ils detagls, en spezial:

a.

la responsabladad per l’elavuraziun da las datas;

b.

las categorias da las datas registradas ed ils termins da tegnair en salv quellas;

c.

la collavuraziun cun las autoritads pertutgadas;

d.

las incumbensas dals posts da coordinaziun;

e.

il dretg da survegnir infurmaziuns ed ils ulteriurs dretgs da procedura per la protecziun da las persunas pertutgadas;

f.

la segirezza da las datas;

g.

las autoritads che annunzian datas da persunas en scrit, che inscrivan datas en il register, che consulteschan datas en il register u che pon vegnir infurmadas en singuls cas davart datas da persunas;

h.

la transmissiun electronica da datas a l’Uffizi federal da statistica.

¹ Versiun tenor la cifra 2 da l’agiunta da la LF dals 19 da mars 2010, en vigur dapi il 1. da schan. 2013 (AS 2010 6015, 2011 487; BBl 2009 5917).
² Versiun tenor la cifra 2 da l’agiunta da la LF dals 19 da mars 2010, en vigur dapi il 1. da schan. 2013 (AS 2010 6015, 2011 487; BBl 2009 5917).
³ Expressiun tenor la cifra 2 da l’agiunta da la LF dals 18 da mars 2016, en vigur dapi il 1. da schan. 2018 (AS 2016 4277, 2017 2297; BBl 2014 6955).
⁴ Versiun tenor la cifra I 3 da l’O dals 3 da nov. 2004 davart l’adattaziun da disposiziuns legalas pervia da la fusiun dals uffizis federals IMES ed UFF, en vigur dapi il 1. da schan. 2005 (AS 2004 4655).
⁵ La designaziun da l’unitad administrativa è vegnida adattada, applitgond l’art. 16 al. 3 da l’O dals 17 da nov. 2004 davart las publicaziuns uffizialas (AS 2004 4937), en vigur dapi il 1. da schan. 2015.
⁶ Abolì tras la cifra I 3 da l’O dals 3 da nov. 2004 davart l’adattaziun da disposiziuns legalas pervia da la fusiun dals uffizis federals IMES ed UFF, cun effect dapi il 1. da schan. 2005 (AS 2004 4655).
⁷ Versiun tenor la cifra II 5 da l’agiunta da la LF dals 25 da sett. 2015 davart il servetsch d’infurmaziun, en vigur dapi il 1. da sett. 2017 (AS 2017 4095; BBl 2014 2105).
⁸ SR 120
⁹ Integrà tras la cifra II da la LF dals 21 da mars 2003, en vigur dapi il 1. da schan. 2004 (AS 2003 4843; BBl 2001 6127).
¹⁰ La designaziun da l’unitad administrativa è vegnida adattada per il 1. da schan. 2019 applitgond l’art. 20 al. 2 da l’Ordinaziun dals 7 d’oct. 2015 davart las publicaziuns uffizialas (SR 170.512.1).
¹¹ Integrà tras la cifra 1 da l’agiunta da la LF dals 3 d’oct. 2008 davart ils sistems d’infurmaziun da l’armada, en vigur dapi il 1. da schan. 2010 (AS 2009 6617; BBl 2008 3213).
¹² Integrà tras la cifra 3 da l’agiunta da la LF dals 23 da dec. 2011 davart la protecziun extraprocessuala da perditgas, en vigur dapi il 1. da schan. 2013 (AS 2012 6715; BBl 2011 1).
¹³ SR 312.2
¹⁴ Integrà tras la cifra II 5 da l’agiunta da la LF dals 25 da sett. 2015 davart il servetsch d’infurmaziun, en vigur dapi il 1. da sett. 2017 (AS 2017 4095; BBl 2014 2105).
¹⁵ Expressiun tenor la cifra 2 da l’agiunta da la LF dals 18 da mars 2016, en vigur dapi il 1. da schan. 2018 (AS 2016 4277, 2017 2297; BBl 2014 6955).
¹⁶ SR 510.10
¹⁷ Versiun tenor la cifra II 5 da l’agiunta da la LF dals 25 da sett. 2015 davart il servetsch d’infurmaziun, en vigur dapi il 1. da sett. 2017 (AS 2017 4095; BBl 2014 2105).
¹⁸ Integrà tras la cifra 1 da l’agiunta da la LF dals 3 d’oct. 2008 davart ils sistems d’infurmaziun da l’armada (AS 2009 6617; BBl 2008 3213). Versiun tenor la cifra 2 da l’agiunta da la LF dals 19 da mars 2010, en vigur dapi il 1. da schan. 2013 (AS 2010 6015, 2011 487; BBl 2009 5917).
¹⁹ Integrà tras la cifra I 1 da la LF dals 20 da mars 2015 (realisaziun da l’art. 121 al. 3-6 Cst. davart l’expulsiun da persunas estras criminalas), en vigur dapi il 1. d’oct. 2016 (AS 2016 2329; BBl 2013 5975).
²⁰ Versiun tenor la cifra 2 da l’agiunta da la LF dals 18 da mars 2016, en vigur dapi il 1. da schan. 2018 (AS 2016 4277, 2017 2297; BBl 2014 6955).
²¹ Oriundamain: al. 2^ter. Integrà tras la cifra 1 da l’agiunta da la LF dals 3 d’oct. 2008 davart ils sistems d’infurmaziun da l’armada (AS 2009 6617; BBl 2008 3213). Versiun tenor la cifra 2 da l’agiunta da la LF dals 19 da mars 2010, en vigur dapi il 1. da schan. 2013 (AS 2010 6015, 2011 487; BBl 2009 5917).
²² Integrà tras la cifra 2 da l’agiunta da la LF dals 19 da mars 2010 (AS 2010 6015, 2011 487; BBl 2009 5917). Versiun tenor la cifra I 1 da la LF dals 20 da mars 2015 (realisaziun da l’art. 121 al. 3-6 Cst. davart l’expulsiun da persunas estras criminalas), en vigur dapi il 1. d’oct. 2016 (AS 2016 2329; BBl 2013 5975).
²³ Integrà tras la cifra I 1 da la LF dals 20 da mars 2015 (realisaziun da l’art. 121 al. 3-6 Cst. davart l’expulsiun da persunas estras criminalas), en vigur dapi il 1. d’oct. 2016 (AS 2016 2329; BBl 2013 5975).
²⁴ Oriundamain: al. 2^sexies. Integrà tras ils art. 34 cifra 1 e 36 da la LF dals 17 da zer. 2011 davart la promoziun dal sport e da l’activitad fisica, en vigur dapi il 1. d’oct. 2012 (AS 2012 3953; BBl 2009 8189).
²⁵ La designaziun da l’unitad administrativa è vegnida adattada, applitgond l’art. 16 al. 3 da l’Ordinaziun dals 17 da nov. 2004 davart las publicaziuns uffizialas (AS 2004 4937).
²⁶ Versiun tenor l’art. 87 da la LF dals 25 da sett. 2015 davart il servetsch d’infurmaziun, en vigur dapi il 1. da sett. 2017 (AS 2017 4095; BBl 2014 2105).
²⁷ Integrà tras la cifra II 1 da la LF dals 3 d’oct. 2008 (AS 2009 1093; BBl 2008 2707). Abolì tras la cifra II 1 da la LF dals 25 da sett. 2015, cun effect dapi il 1. da fan. 2016 (AS 2016 1883; BBl 2014 6741).
²⁸ Integrà tras l’art. 34 la cifra 1 da la L per promover il sport dals 17 da zer. 2011, en vigur dapi il 1. d’oct. 2012 (AS 2012 3953; BBl 2009 8189).