Cudesch civil svizzer (CCS)

Art. 301¹B. Cuntegn / I. En general

B. Cuntegn

I. En general

¹ Ils geniturs èn responsabels per la tgira e per l’educaziun en vista al bainstar da l’uffant e prendan las decisiuns necessarias cun resalva da l’abilitad d’agir da l’uffant sez.

^1bis Il genitur che assista l’uffant po decider sulet, sche:

1.

i sa tracta d’affars quotidians u urgents;

2.

l’auter genitur n’è betg cuntanschibel cun meds raschunaivels.²

² L’uffant sto obedir als geniturs; ils geniturs concedan a l’uffant tenor sia madirezza la libertad correspundenta per furmar sia vita, ed en fatgs relevants resguardan els sia opiniun tant sco pussaivel.

³ L’uffant na dastga betg bandunar la cuminanza famigliara senza il consentiment dals geniturs; l’uffant na dastga er betg vegnir prendì davent als geniturs senza in motiv legitim.

⁴ Ils geniturs dattan il prenum a l’uffant.

¹ Versiun tenor la cifra I 1 da la LF dals 25 da zer. 1976, en vigur dapi il 1. da schan. 1978 (AS 1977 237; BBl 1974 II 1).
² Integrà tras la cifra I da la LF dals 21 da zer. 2013 (tgira genituriala), en vigur dapi il 1. da fan. 2014 (AS 2014 357; BBl 2011 9077).