Cudesch da procedura penala (CPP)

Art. 288

¹ Ad investigaturs secrets dat la polizia ina identitad fictiva.¹

² La procura publica po garantir ad investigaturs secrets che lur vaira identitad na vegnia er alura betg tradida, sch’els cumparan en ina procedura giudiziala sco infurmaturs u sco perditgas.²

³ Sche investigaturs secrets commettan in malfatg durant lur incarica, decida la dretgira da mesiras repressivas, sut tge identitad che la procedura penala vegn manada.

¹ Versiun tenor la cifra I da la LF dals 14 da dec. 2012 davart la retschertga e l’investigaziun secreta, en vigur dapi il 1. da matg 2013 (AS 2013 1051; BBl 2012 5591 5609).
² Versiun tenor la cifra I da la LF dals 14 da dec. 2012 davart la retschertga e l’investigaziun secreta, en vigur dapi il 1. da matg 2013 (AS 2013 1051; BBl 2012 5591 5609).