E-MailWeiterleiten
LinkedInLinkedIn

Lescha federala davart la prevenziun professiunala per vegls, survivents ed invaliditad (LPP)

Art. 26 Lescha federala davart la prevenziun professiunala per vegls, survivents ed invaliditad (LPP) drucken

Art. 26 Cumenzament e fin dal dretg

1 Per il cumenzament dal dretg sin prestaziuns d’invaliditad valan tenor il senn las disposiziuns correspundentas da la Lescha federala dals 19 da zercladur 19591 davart l’assicuranza d’invaliditad (art. 29 LAI).2

2 En sias disposiziuns reglamentaricas po l’instituziun da prevenziun prevair ch’il dretg vegnia suspendì, uschè ditg che la persuna assicurada survegn il salari entir.

3 Il dretg scada cun la mort da la persuna che ha il dretg sin prestaziuns u, cun resalva da l’artitgel 26a, cun la fin da l’invaliditad.3 Per persunas assicuradas ch’èn suttamessas a l’assicuranza obligatorica tenor l’artitgel 2 alinea 3 u che cuntinueschan voluntarmain cun lur prevenziun tenor l’artitgel 47 alinea 2, scada la renta d’invaliditad il pli tard al cumenzament dal dretg sin ina prestaziun da vegliadetgna (art. 13 al. 1).4

4 Sche la persuna assicurada n’è – al cumenzament dal dretg da prestaziun – betg affiliada a l’instituziun da prevenziun che ha da pajar las prestaziuns, sto quella instituziun da prevenziun, a la quala ella è stada affiliada sco ultim, pajar prestaziuns preliminaras. Sche l’instituziun da prevenziun che ha da pajar las prestaziuns è confermada, po l’instituziun da prevenziun che ha da pajar prestaziuns preliminaras prender regress sin quella.5


1 SR 831.20. Oz: art. 28 al. 1 e 29 al. 1-3 LAI.
2 Versiun tenor la cifra II 3 da la LF dals 9 d’oct. 1986 (2. revisiun da la AI), en vigur dapi il 1. da schan. 1988 (AS 1987 447; BBl 1985 I 17).
3 Versiun tenor la cifra 6 da l’agiunta da la LF dals 18 da mars 2011 (6. revisiun da la AI, emprim pachet da mesiras), en vigur dapi il 1. da schan. 2012 (AS 2011 5659; BBl 2010 1817). Guardar er la disposiziun finala da la midada dals 18 da mars 2011 a la fin da quest text.
4 Versiun tenor la cifra I da la LF dals 19 da mars 2010 (refurma structurala), en vigur dapi il 1. da schan. 2012 (AS 2011 3393; BBl 2007 5669).
5 Integrà tras la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).


Dieser Gesetzesartikel ist im Jahr 2021 (prüfen Sie auf Aktualität) in Kraft getreten. Es besteht kein Anspruch auf Aktualität und Vollständigkeit/Richtigkeit. Wir verweisen Sie dazu auf www.admin.ch.

Wollen Sie werbefrei und mehr Einträge sehen? Hier geht es zur Registrierung.

Kommentare zum Gesetzesartikel

AutorKommentarJahr
HürzelerSchneider, Geiser, Gächter Handkommentar zum BVG und FZG2010
SWISSRIGHTS verwendet Cookies, um Inhalte und Anzeigen zu personalisieren, Funktionen für soziale Medien anbieten zu können und die Zugriffe auf der Website analysieren zu können. Weitere Informationen finden Sie hier: Datenschutz